Çarəsizsiniz? Çarə sizsiniz!
Gündəlik həyatında qarşısına çıxan çətinliklərdən daima giley-güzar edən adamlarla yəqin ki, siz də qarşılaşırsınız.
Bir çox halda öz əzmsizliyinə min bir bəhanə axtaranlar, yaranmış problemi həll etmək əvəzinə, problemlə yaşamağa özlərini öyrəşdirirlər.
Bu isə onlarda çarəsizliyi bir vərdiş halına gətirir.
Axı, hər gün günortaya qədər yatan, günortadan sonranı da deyinməklə keçirən adam hansı uğuru əldə edə bilər?
Əgər çarəsizliyin dərmanı çox yatmaq olsaydı, bütün kəşfləri öncə yuxuda edərdilər.
*
Hindistanda filləri əhilləşdirmək üçün, onları kiçik vaxtından bir zəncirlə hər hansı bir yerə bağlayarlarmış.
Təbii ki, bala fil üçün bu zənciri qırması çox çətindi.Adətən zəncirlə bağlanan fil balası əvvəlcə var gücüylə dartınaraq zənciri bağlandığı yerdən qopartmağa çalışır, lakin buna gücü yetməz.
Dəfələrlə eyni cəhdi edən fil balası zənciri qırıb öz azadlığına qovuşa bilmir.
Nəhayət illər keçir və fil balası böyüyüb, kifayət qədər nəhəng fil olur.
İndi ona bağlanan zəncir sadəcə simvolik xarakter daşıyır, çünki o zəncir onun gücü qarşısında artıq davam gətirə bilməz.
Zənciri qıra biləcək gücdədir fil.
Ancaq, heç bir nəhəng fil ona balacalıqdan bağlanan zənciri qırmağa artıq cəhd göstərməz.
Çünki fil, artıq azadlığa qovuşa bilməyəcəyinə inanmışdır, artıq qırıla bilməyən zəncir deyil, filin inancıdır.
Fil o zənciri qıra bilməyəcəyini hələ kiçiklikdən qəbul etmişdir və bu ölənə qədər, sahibi onu azad edənə qədər davam edəcəkdir.
Buna psixologiyada "Öyrənilmiş Çarəsizlik" (Learned helplessness) deyilir.
*
Qarşımıza çıxan problemlər, əngəllər, həyatımızın bir parçasıdır, mərhələsidir.
Ancaq bilməlisiniz ki, inkişaf etmək istəyən biri, daha çox problemlə üzləşəcək, daha çox səddi keçməli, daha çox pilləkan çıxmalı olacaqdır.
Daha çox rifahın bədəli, daha çox çalışmaq, daha çox əzm göstərməkdir.
Çarə axtarmaq yerinə təslim olmaq, insanın özünə qarşı məğlubiyyətidir. Kifayət qədər ucuz bir məğlubiyyət!
Həyat yolunuzda qarşınıza çıxan maneələri dəf etmək üçün ilk növbədə özünüzə inanmalısınız.
Çarəsizlik sindromundan qurtulmalı, ən böyük çarə siz özünüz olduğunuzu bilməsiniz.
Elnur Məcidli 
YAZARIN DİGƏR YAZILARI
13 Fevral 2025
21 Yanvar 2025
19 Yanvar 2025
14 Yanvar 2025
08 Yanvar 2025
04 Yanvar 2025
30 Dekabr 2024
21 Dekabr 2024
20 Dekabr 2024
12 Dekabr 2024
21 Noyabr 2024
19 Mart 2024
11 Mart 2024
23 Fevral 2024
17 Fevral 2024
08 Fevral 2024
06 Noyabr 2023
14 Noyabr 2022
10 May 2022
14 Mart 2022
05 Mart 2022
27 Fevral 2022
25 Fevral 2022
22 Fevral 2022
01 Fevral 2022
19 Yanvar 2022
11 Yanvar 2022
11 Oktyabr 2021
06 Oktyabr 2021
06 Sentyabr 2021