Serbiya prezidenti Aleksandr Vuçiç hakimiyyətin etiraz edən əhalinin əsas tələbini yerinə yetirəcəyini açıqlayıb.
Musavat.com xəbər verir ki, o, Belqradda parlament binasının qarşısında vətəndaşlara müraciətində 2026-cı ildə ölkədə növbədənkənar parlament seçkilərinin keçiriləcəyini elan edərək bildirib kiŞ hakimiyyət orqanları etirazçıların əsas tələbini yerinə yetirib: "Biz onların əsas tələbini qəbul etdik - tezliklə, gələn il seçki məntəqələrinə gedəcəyik".
Vuçiç növbədənkənar seçkilərin etirazçıların hərəkətlərinə siyasi cavab olacağına əmindir:"Lakin səslər sayılanda onlar o qədər də xoşbəxt olmayacaqlar. Biz onları Serbiyanın hər yerində məğlub edəcəyik".
Musavat.com
