Rusiyanın Vnukovo hava limanında 18,5 milyon rubl dəyərində beş üzük gətirən Azərbaycan vətəndaşı saxlanılıb.
Musavat.com xəbər verir ki, bu barədə Rusiya mediası məlumat yayıb.
Məlumata görə, Vnukovo gömrük xidməti əməkdaşları ümumi dəyəri 18,5 milyon rubl (412.624 manat) olan zərgərlik məmulatlarının qaçaqmalçılığının qarşısını alıblar.
Dubaydan gələn 33 yaşlı Azərbaycan vətəndaşının baqajında bəyan edilməmiş mallar aşkar edilib.
Qadının üzərində daşla bəzədilmiş ağ metal üzüklər olduğu aşkar edilib. Onlar müayinə üçün göndərilib. Müayinə zamanı sərnişinin üzərində brilyant da daxil olmaqla 750 və 950 karatlıq qızıl və platin ərintilərindən hazırlanmış zərgərlik əşyaları olduğu məlum olub.
Ona qarşı cinayət işi açılıb. Azərbaycan vətəndaşı indi beş ilə qədər həbs cəzası və ya bir milyon rubla qədər (22.304 manat) cərimə ilə üzləşir.
Musavat.com
