Çeçen əsilli Zəlimxan Murtazov Ukraynada müharibədə iştirakdan imtina etdikdən sonra Ermənistana gəlib.
Musavat.com xəbər verir ki, o, əvvəlcə Çeçeniyanı tərk edib və döyüş zonasından qaçaraq ölkədən çıxmağa çalışıb.
Məlumata görə, Rusiya vətəndaşı olan Murtazov dörd ay Qazaxıstanın paytaxtı Astananın hava limanının tranzit zonasında qalaraq ölkəni tərk etmək üçün çıxış yolu axtarıb.
Sonda Ermənistan sərhədçiləri yoxlamalardan sonra onun ölkəyə girişinə icazə veriblər. Qardaşının sözlərinə görə, Zəlimxan artıq azadlıqdadır və “adi həyata uyğunlaşmağa çalışır”.
Musavat.com
