Yay aylarında avtomobilin mühərrikinin həddindən artıq qızması ciddi fəsadlar yaradır. Bu problemlə qarşılaşmamaq üçün texniki qaydalara vaxtında əməl etmək mütləqdir.
İlk növbədə soyutma mayesinin səviyyəsini mütəmadi yoxlayın. Antifriz vaxtında dəyişdirilməlidir. Maye çatışmadıqda mühərrik sürətlə qızır.
Radiatorun təmizliyinə xüsusi diqqət yetirin. Yolda toplanan toz və çirk hava axınının qarşısını kəsir. Radiatoru ildə bir dəfə yudurtmaq lazımdır.
Soyutma sisteminin ventilyatorunu yoxlatdırın. Ventilyator tıxacda mühərrikin temperaturunu normada saxlayır. Onun nasazlığı temperaturu sürətlə qaldırır.
Termostatın işlək vəziyyətdə olması vacibdir. Termostat xarab olduqda maye dövr edə bilmir. Bu da mühərrikin qaynamasına səbəb olur.
Avtomobilin mühərrik yağını vaxtında dəyişin. Köhnə yağ sürtünməni artırır. Sürtünmə isə əlavə istilik yaradır.
Səfər zamanı temperatur göstəricisini nəzarətdə saxlayın. Oxun qırmızı zonaya yaxınlaşması təhlükədən xəbər verir. Belə vəziyyətdə maşını dərhal saxlayın.
Beləliklə, yayda maşının qızmaması üçün soyutma sistemini və mayeləri mütəmadi yoxlamaq lazımdır.//Demokrat.az
