Çin şirkəti "TikTok" ölkədə platformaya qoyulan qadağadan yayınmaq üçün ayrıca bir Amerika qurumu yaratmaq və nəzarəti bir qrup ABŞ investoruna təhvil vermək üçün 14 milyard dollarlıq bir razılaşma imzalayıb.
Musavat.com xəbər verir ki, bu barədə "Politico" məlumat yayıb.
İnvestorlar arasında "Silver Lake", Əbu-Dabidə yerləşən MGX və "Oracle" şirkətləri var. Hər biri yeni birgə müəssisədə 15% pay alacaq, ana şirkət "ByteDance" isə təxminən 20% payı saxlayacaq. "TikTok"un ABŞ versiyası ayrıca idarə heyəti və idarəetmə qrupu ilə müstəqil bir şirkət kimi fəaliyyət göstərəcək.
Bu razılaşma, "TikTok"un amerikalı sahibinə satılmasını və ya qadağan edilməsini tələb edən ABŞ qanununa cavab olub. Vaşinqton üçün ən vacib şərt isə tövsiyə alqoritminin tam nəzarətdə saxlanmasıdır. Alqoritm amerikalı istifadəçilərin məlumatları əsasında yenidən hazırlanacaq.
Donald Tramp açıq şəkildə razılaşmanı dəstəkləyərək "TikTok"u xilas etməkdən məmnun olduğunu" bildirsə də, tənqidçilər Çinin "ByteDance"ın payı vasitəsilə təsirini qoruduğunu deyirlər.
Musavat.com
