Ermənistan Rusiya Federasiyası ilə təhlükəsizlik sahəsində əməkdaşlığı dayandırmaq fikrində deyil.
Musavat.com erməni mediasına istinadən bildirir ki, bunu baş nazir Nikol Paşinyan deyib. Ermənistanın baş naziri qeyd edib ki, İrəvanın müdafiə sektorunda diversifikasiyadan danışması bu demək deyil. “Biz Aİ, Fransa, ABŞ, İran, Hindistan və digər ölkələrlə yalnız əlaqələri inkişaf etdirmək üzərində işləyirik və onlarla müzakirələr aparırıq”, - Paşinyan əlavə edib.
Baş nazir bildirib ki, Ermənistan NATO-ya daxil olmaq məsələsini müzakirə etməyib və müzakirə etmir: “Bu, İrəvanın gündəmində deyil”.
Musavat.com
