İnsanlara hürriyət, millətlərə istiqlal!

Estoniya Baş nazir ilə bağlı QALMAQAL

756 11.02.2024 19:04 Dünya A A

Estoniyanın Baş naziri Kaya Kallas ilə ölkənin keçmiş baş naziri, Avropa Parlamentinin (AP) üzvü Andrus Ansip arasında qalmaqal yaşanıb.

Kallas Ansipə açıq məktub göndərərək ondan AP-yə növbəti seçkilərdə namizəd kimi iştirak etməməsini xahiş edib.

Belə ki, Baş nazir Avropa Parlamentinin deputatını AP-dəki vəzifəsindən yalnız hökumətin işini daim tənqid etmək üçün istifadə etməkdə ittiham edib.

“Siz evdə olarkən də partiyanı, hökuməti və məni tənqid edə bilərsiniz. Qoy Avropa Parlamentinə Estoniyanın maraqlarını müdafiə etməyə hazır olanlar namizəd olsunlar”, – Kallas yazıb.

Ansip cavab olaraq məktubun məzmununun onun üçün heç də təəccüblü olmadığını bildirib. Keçmiş baş nazir onu da söyləyib ki, o, Estoniya iqtisadiyyatının və xalqının rifahının tənəzzülünü səssizcə izləmək niyyətində deyil və öz fikirlərinə sadiq qalmağa davam edəcək.

“Estoniyanın etibarlı hökumət başçısına ehtiyacı var. Onun hazırkı təhlükəsizlik vəziyyətində olmaması təhlükəsizliyə təhdid yaradır”, – Ansip bildirib.

O qeyd edib ki, martın sonunda Avropa Parlamentinə namizəd olub-olmayacağına qərar verəcək.//Report

Bizim partnyorlarımız

XƏBƏR LENTİ

BÜTÜN XƏBƏRLƏR