Aralarında Türkiyənin ilk astronavtı Alper Gezeravcının da olduğu "Axiom-3" (Ax-3) komandasının "Dragon" kapsulu ilə Beynəlxalq Kosmik Stansiyadan (BKS) ayrıldıqdan sonra geri dönüş səfəri başa çatıb.
Musavat.com "Haber Global"a istinadən xəbər verir ki, Gezeravcının Atlantik okeanında səthə endiyi anlar kameralara düşüb.
Bütün ekipaj üzvlərinin yaxşı olduğu bildirilir.
Qeyd edək ki, A.Gezeravcının kosmosa səyahəti yanvarın 19-da başlayıb. O, bir sıra təcrübələr həyata keçirib.
Kosmonavtın dünyaya qayıdışı əlverişsiz hava şəraiti səbəbindən indiyədək üç dəfə təxirə salınıb.
Musavat.com
