Belarus müxalifət lideri Svetlana Tixanovskaya Vilnüsdə Ukrayna prezidenti Volodimir Zelenski ilə görüşüb.
Musavat.com RBK-Ukraina-ya istinadən xəbər verir ki, görüşdə qarşılıqlı dəstək, o cümlədən siyasi məhbusların azad edilməsi, Aleksandr Lukaşenkonun məhkəməyə verilməsi və digər məsələlər müzakirə edilib.
Tixanovskayanın mətbuat xidməti bildirib ki, Zelenski ilə görüşündə o, Belarus xalqı adından azadlıq uğrunda mübarizə aparan Ukrayna xalqına tam dəstəyini ifadə edib və prezidentə "1863-cü il üsyanının şərəfinə keçirilən mərasimdə etdiyi təsirli çıxışa görə" təşəkkür edib: "O, prezidentə demokratik Belarusu dəstəklədiyinə və Ukrayna rəhbərliyinin Belarus xalqını rejimdən ayırdığına görə təşəkkür edib".
Tixanovskaya həmçinin Belarus könüllülərindən, Ukraynaya həmrəylik və dəstəklərinə görə qanunsuz olaraq məhkum edilmiş partizanlardan, eləcə də Ukraynadakı belaruslardan da bəhs edib: “Tixanovskaya, bir çox digər demokratik ölkələrin etdiyi kimi, Belarus üçün xüsusi nümayəndə təyin etməyi, eləcə də Kiyevdəki Demokratik Qüvvələr Missiyası ilə daha sıx əməkdaşlıq etməyi təklif etdi. Tixanovskayanın Ukraynaya səfəri də müzakirə edildi: Prezident Zelenski Tixanovskayanı Kiyevə dəvət etdi".
Tixanovskaya azad Belarus və Ukraynanın taleyinin bir-biri ilə əlaqəli olduğunu və özü və komandasının Ukrayna ilə daha sıx əməkdaşlığı alqışlayacağını vurğulayıb.
Musavat.com
