Rusiya Prezidentinin köməkçisi Yuri Uşakov Vladimir Putin və Donald Tramp arasında baş tutan telefon danışığının yekunlarına dair mühüm açıqlamalar verib. Tərəflər arasında təxminən bir saat davam edən söhbətin qeyri-rəsmi və yumor dolu bir atmosferdə keçdiyi bildirilir.
Musavat.com xəbər verir ki, Uşakovun sözlərinə görə, ABŞ rəhbərliyi ilə təmaslar intensivləşir və bu çərçivədə Vitkoff və Kuşner yaxın vaxtlarda Moskvaya səfər edəcəklər. Telefon danışığı zamanı Donald Tramp Ukraynadakı hərbi əməliyyatların dayandırılmasının vacibliyini xüsusi vurğulayıb. Tramp münaqişənin həlli üçün həm Qərb ölkələrinə, həm də Kiyevə təsir göstərməyə hazır olduğunu ifadə edib.
Tərəflər Ukrayna Silahlı Qüvvələrinin Rusiya Federasiyasındakı mülki obyektlərə endirdiyi zərbələrin sülh prosesinə ciddi maneə törətdiyini və bu cür addımların konstruktiv danışıqlara kömək etmədiyini vurğulayıblar. Bundan əlavə, ABŞ Prezidenti İranla aparılan danışıqların nəticələrinin bu gün açıqlana biləcəyini qeyd edib.
Musavat.com
