Ukraynanın Rusiya ərazisinin dərinliklərinə pilotsuz təyyarə hücumları davam edir.
Musavat.com xəbər verir ki, ötən gecə dron zərbələri nəticəsində Rusiyada bir neçə mühüm obyektdə dağıntı və yanğınlar qeydə alınıb.
Zərbə hədəflərindən biri Krasnodar diyarındakı İlski Neft Emalı Zavodu olub, müəssisədə partlayış və yanğın başlayıb.
Qeyd etmək lazımdır ki, bu neft emalı zavodu dəfələrlə dronlar tərəfindən hədəfə alınıb, yanğınlara səbəb olub və əməliyyatlar pozulub. İlski Neft Emalı Zavoduna sonuncu dəfə cəmi bir ay əvvəl zərbə endirilib. Bu, Cənubi Federal Dairəsindəki əsas neft emalı zavodlarından biridir. Onun istehsal gücü ildə 6,6 milyon ton neftdir.
Rostov vilayətinin Azov şəhərində optik-mexaniki zavoda da hücum edilib. Zavod optik-elektron, radar və yüksək dəqiqlikli sistemlərin istehsalında ixtisaslaşıb və Rusiya müdafiə sənayesinin bir hissəsidir.
Bundan əlavə, Taqanroqdakı Kurqannefteprodukt liman terminalı da zərbəyə məruz qalıb, orada güclü yanğın başlayıb.
Terminalın əsas funksiyası neft məhsullarını dəniz gəmilərinə boşaltmaq və yükləməkdir.
Ukraynanın Moskvaya gecədən başlayan dron hücumu da davam edir. Şəhər rəhbərliyi 14 dronun zərərsizləşdirildiyinə dair məlumat yayıb.
Musavat.com
