Ukraynada son sutkada koronavirusdan ölüm sayında antirekord qeydə alınıb.
AZƏRTAC xəbər verir ki, Ukraynanın Səhiyyə Nazirliyinin məlumatına görə, son sutkada Ukraynada 838 nəfər koronavirus səbəbindən həyatını itirib. Bu da pandemiya dövründə ən yüksək göstəricidir.
Son sutkada Ukraynada 16 308 nəfər koronavirusa yoluxub. Ən çox yoluxma halı Dnepropetrovsk, Odessa və Kiyev vilayətlərindədir.
Artıq Ukraynada pandemiya dövründə koronavirusdan ölənlərin sayı 77 min 985-ə çatıb, 3 244 749 insan koronavirusa yoluxub, 2 664 373-ü isə müalicəsini başa vurub.
Qeyd edək ki, Ukrayna hökuməti koronavirusa yoluxma hallarının artması səbəbindən vilayətlərin əksəriyyətində karantin rejimini sərtləşdirib.
