Artıq çəkidən qurtulmaq istəyənlər tez nəticə verən üsullar axtarsalar da, mütəxəssislər bildirirlər ki, möcüzəvi vasitə yoxdur. Bununla belə, uzun illərdir istifadə olunan sadə bir üsul maddələr mübadiləsini dəstəkləməyə və həzmi yaxşılaşdırmağa kömək edə bilər.
"Nutrinatik_ua" adlı instaqram səhifəsinin müəllifi arıqlamaq və çəkini qorumaqla bağlı tövsiyələr verərək alma sirkəsinin bu prosesdə necə rol oynaya biləcəyini izah edib.
Onun sözlərinə görə, səhər saatlarında bir stəkan otaq temperaturunda suya bir xörək qaşığı alma sirkəsi əlavə edib səhər yeməyindən əvvəl içmək faydalı ola bilər.
Mütəxəssis bildirir ki, su nə çox isti, nə də çox soyuq olmalıdır. İçkini saman vasitəsilə qəbul etmək tövsiyə edilir ki, sirkə diş minasına zərər verməsin. Dadını bəyənməyənlər isə az miqdarda bal əlavə edə bilərlər.
Qeyd edilir ki, bu qarışıq maddələr mübadiləsini aktivləşdirməyə, həzmi yaxşılaşdırmağa və yağ yandırılması prosesini dəstəkləməyə kömək edə bilər. Lakin bu təsirin sağlam qidalanma və fiziki aktivliklə birlikdə mümkün olduğu vurğulanır.
Bununla yanaşı, mütəxəssis alma sirkəsinin hər kəs üçün uyğun olmadığını da xatırladır. Onun həddindən artıq və ya düzgün istifadə edilməməsi mədənin boşalmasının ləngiməsinə, orqanizmdən kalsiumun azalmasına və sümük kütləsinin zəifləməsinə, boğaz və dəri yanıqlarına, həmçinin diş minasının zədələnməsinə səbəb ola bilər.
Bundan əlavə, alma sirkəsi bəzi dərman preparatları ilə qarşılıqlı təsir göstərə bilər. Bu səbəbdən mütəxəssislər belə üsulu tətbiq etməzdən əvvəl həkimlə məsləhətləşməyi tövsiyə edirlər./Lent.az
