Amerikalı iş adamı İlon Maskın “SpaceX” şirkətinin “Starlink” internet terminalları dünyanın bir çox yerində qanunsuz olaraq alına bilər.
Musavat.com Publika.az-a istinadən xəbər verir ki, bu barədə “Bloomberg” öz mənbələrinə istinadən məlumat yayıb.
Agentlik öz araşdırmasına əsaslanaraq “Starlink” dəstlərinin qara bazarda qanunsuz olaraq satıldığını iddia edib.
"Qara bazarda “Starlink”in aşkar mövcudluğu göstərir ki, onların zərərli istifadəsi sistematik qlobal problemdir", - nəşr vurğulayır.
Xüsusilə, “Starlink”i Sudanda almaq olar, burada hökumət ordusuna qarşı çıxan Çevik Reaksiya Qüvvələri tərəfindən istifadə olunur. Onlar ABŞ-ın sanksiyaları altında olan Venesuelada da satılır.
