Dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kimin ABŞ Senatında Ermənistana təhlükəsizlik və ABŞ-la əməkdaşlıq sahəsində dəstək verməsi ilə bağlı bəyanatları Cənubi Qafqazda anti-Rusiya tramplininin yaradılmasına yönəlib.
Musavat.com xarici agentliklərə istinadən xəbər verir ki, bu barədə Rusiya Dövlət Dumasının Beynəlxalq Əlaqələr Komitəsinin sədri Leonid Slutski danışıb.
Mətbuatda xəbər verildiyi kimi, Yuri Kim ABŞ-ın Ermənistana inkişaf, müdafiə və təhlükəsizlik dəstəyini mümkün qədər genişləndirməli olmasından bəhs edib.
“Yuri Kim ABŞ Senatının Xarici Əlaqələr Komitəsində keçirilən dinləmələrdə bəyan edib ki, biz Ermənistanın “Rusiya ilə deyil, ABŞ-la” tərəfdaşlığından danışmalıyıq. ABŞ bununla həm də Cənubi Qafqazda yeni anti-Rusiya plasdarmı yaratmaq arzusundadır”,-deyə Slutski qeyd edib.
“Xaricdən “sponsorluq” dünyanın heç bir ölkəsinə fayda verməyib, yalnız bəla və kədər, qan və dağıntı gətirib”,- deyə Slutski sonda Ermənistanı təhdid etməyi unutmayıb.
Musavat.com
Slutski: ABŞ-ın Ermənistana yardımı Rusiya əleyhinə tramplin yaratmaq məqsədi daşıyır
![](http://cdn.musavat.com/news/thumbnails/4ba12b13d3664728ba100575eb9d6abb.jpeg)