Rusiya hərbçilərindən ibarət nümayəndə heyətinin İrəvana səfər etdiyi haqda məlumat yayılıb.
Axar.az xəbər verir ki, Ermənistanın “Hraparak” nəşri Rusiya xüsusi hərbi təyyarəsinin Erebuni hava limanına endiyini yazıb. İddia edilib ki, nümayəndə heyəti Azərbaycanla sərhədlərin demarkasiya və delimitasiyası prosesinə başlamaq üçün danışıqlar aparacaq.
Rusiya heyətinə Cənub Hərb Dairəsinin komandan müavini Rüstəm Muradovun rəhbərlik etdiyi bildirilir.
“Sputnik” isə rus hərbçilərin gəlişini təsdiqləsə də, delimitasiya ilə bağlı yayılan məlumatı təkzib edib. Agentliyin məlumatına görə, rusiyalı hərbçilər xidmət-məişət məsələlərinin müzakirəsi üçün gəliblər və bu səfəri delimitasiyaya heç bir aidiyyəti yoxdur.
