Qəzzada HAMAS-ın rəhbər şəxslərindən biri öldürülüb.
Musavat.com APA-ya istinadən bildirir ki, bu barədə İsrail Müdafiə Qüvvələrinin (İsrael Defence Forces - İDF) və İsrail Baş Təhlükəsizlik Xidmətinin (Şabak və ya Şin Bet) birgə bəyanatında deyilir.
Qeyd olunub ki, adıçəkilən qurumların anklavın Əl-Şifa xəstəxanasında həyata keçirdiyi birgə hərbi əməliyyatlar zamanı HAMAS-ın daxili təhlükəsizlik departamentinin rəhbəri Faiq Məbhux (Faiq Mabhuoch) öldürülüb.
Bildirilib ki, o, anklavda təşkilatın fəaliyyətinin koordinasiyasına cavabdeh idi.
Xatırladaq ki, İsrail ordusu HAMAS-ın yüksək rütbəli üzvlərinin xəstəxanada olması ilə bağlı kəşfiyyat məlumatlarını əldə rəhbər tutaraq Əl-Şifada hərbi əməliyyatlara başlayıb. Əməliyyatlar nəticəsində təşkilatın silahlıları da daxil olmaqla 60-dan çox adam saxlanılıb.
