Ermənistan Baş naziri Nikol Paşinyan Azərbaycanla sərhədə ordu yığması barədə yayılan məlumatı təsdiqləyib. Bu barədə N.Paşinyan “Politiko” nəşrinə müsahibəsində deyib. O, bunu “cavab tədbiri kimi” izah etməyə çalışıb:
“Azərbaycan Ermənistan sərhədində qoşun yığmağa başladığı üçün Ermənistan Respublikası da müəyyən müdafiə tədbirləri görməlidir. Lakin Avropa Birliyinin Ermənistanda sərhəddə müşahidə aparan mülki missiyası qeyd edə bilər ki, Ermənistan Respublikasının qətiyyən eskalasiya niyyəti yoxdur və məhz Azərbaycan öz qoşunlarını bu əraziyə toplamağa başlayıb - Ermənistanla sərhədə və “Dağlıq Qarabağ”ın bütün təmas xətti boyunca. Belə bir vəziyyətdə, təəssüf ki, eskalasiya ssenarisini istisna etmək olmaz. Eskalasiyadan qaçmaq toplanmış qoşunların daimi dislokasiya yerlərinə qaytarılmasıdır və Ermənistan belə addıma hazırdır”.
Bu və gündəmdəki bir çox xəbərləri bu gün saat 13.30-da aparıcı Sevinc Telmanqızının təqdimatındakı “Canlı debat” verilişində “Yeni Müsavat” Media Qrupunun rəhbəri Rauf Arifoğlu ilə müzakirə edəcəyik. Müzakirədə tamaşaçılarımız da iştirak edə bilər.
