ABŞ-ın dəstəklədiyi, 3 mərhələli atəşkəs planı İsrailin baş naziri Benyamin Netanyahunun müharibə kabinetini iflasa sürükləyir.
Musavat.com xəbər verir ki, bunu ABŞ-ın “Washington Post” qəzeti yazıb.
WP-nin məlumatına görə, çətin vəziyyətə düşən baş nazir bir tərəfdən girovları evlərinə qaytarmaq məqsədilə atəşkəs üçün sıx təzyiqlərlə mübarizə apararır, digər tərəfdən isə koalisiya tərəfdaşlarının üsyanlarını yatırmağa çalışır.
Netanyahuya yaxın mənbələr çıxış yolu tapa bilməyən baş nazirin bacardığı qədər prosesi uzatmağa çalışdığını bildirir. Bəzi mənbələr, hətta keçmiş prezident Donald Trampın Ağ Evdə Baydeni əvəzləyəcəyinə ümid edərək Netanyahunun noyabrda ABŞ-da keçiriləcək seçkilərə qədər gözləmək niyyətində olduğunu iddia edir.
Musavat.com
