Son sutka ərzində Litvada koronavirusa (COVID-19) yoluxanların sayı 8 nəfər artaraq 1070-ə çatıb.
AZƏRTAC xəbər verir ki, bu barədə Litvanın Səhiyyə Nazirliyi məlumat yayıb.
Məlumatda bildirilib ki, epidemiyanın yayıldığı tarixdən bəri ölkədə 42 min 690 nəfər müayinə olunub. Son sutka ərzində COVID-19-a görə 1187 nəfərdən götürülən analizin 8-nin nəticəsi müsbət çıxıb.
Qeyd edək ki, indiyədək bu ölkədə koronavirusdan 24 ölüm hadisəsi qeydə alınıb.