Britaniyalı aktyor Cud Lounun Rusiya prezidenti Vladimir Putinin rolunu oynayacağı “Kreml sehrbazı” filminin yaradıcıları Kremllə əlaqə saxlamayıblar.
Musavat.com “RİA Novosti”yə istinadla xəbər verir ki, bunu Rusiya liderinin mətbuat katibi Dmitri Peskov deyib.
“Biz əslində belə xəbərləri görmüşük, lakin bu barədə heç nə bilmirik. Təbii ki, biz bunun nədən ibarət ola biləcəyini, süjetin necə olduğunu, bu filmin nədən bəhs etdiyini və sairəni bilmirik”, – Peskov jurnalistlərə açıqlamasında deyib.
Bundan əvvəl Cud Lou mediaya verdiyi müsahibədə Vladimir Putinin obrazını yaradacağını bildirib. Aktyorun dediyinə görə, o, hələ ki, rolun üzərində işləməyə başlamayıb. O, həmçinin qeyd edib ki, buna hazırlaşmaq Everesti dırmaşmağı xatırladır.
“Kreml sehrbazı” italyan yazıçısı Culiano da Empolinin 2022-ci ildə nəşr olunan eyniadlı kitabının uyğunlaşdırılmasıdır. Filmin baş qəhrəman Putinin keçmiş məsləhətçisidir. Layihənin rejissoru fransız kinematoqrafı Olivye Assayasdır.
Musavat.com
