Almaniya kansleri Fridrix Merts potensial cinayətkarların və ictimai təhlükəsizliyə təhdid yaradan şəxslərin hərəkət azadlığının mümkün qədər məhdudlaşdırılmasının vacibliyinə çağırıb.
Musavat.com xarici mediaya istinadla xəbər verir ki, o, bu açıqlamanı 25 iyulda Tyergarden ərazisində baş verən terror hücumundan sonra Berlində keçirilən mətbuat konfransında verib.
"Mənim fikrimcə, əgər bu cür potensial cinayətkarları - istər istintaq təcridxanasında, istərsə də həbsxanada saxlaya bilməsək, onların hərəkət azadlığının mümkün qədər məhdudlaşdırılması üçün əlimizdən gələni etməliyik", - Merts deyib.
Kansler həmçinin daxili işlər naziri Aleksandr Dobrindtə hökumət müzakirəsi üçün rəsmi hesabat hazırlamağı tapşırıb. O qeyd edib ki, təhlükəli hesab edilən birinin kütləvi tədbirin keçirildiyi yerə maneəsiz necə çata bildiyini izah etmək lazımdır.
“Bild” əvvəllər əsas şübhəli, 21 yaşlı Livan əsilli Almaniya vətəndaşı Əbdül Ballutun ağır cinayət planlaşdırdığına görə 1 il 10 ay həbs cəzasına məhkum edildiyini bildirmişdi. Lakin prokurorluğun apelyasiya şikayəti səbəbindən hökm qüvvəyə minməyib və prokurorluq cəzanın 2 il 10 aya qədər artırılmasını istəyib.
Eyni müddət ərzində o, əvvəlki cinayətlərinə görə rəsmi olaraq islah müəssisəsindən azadlığa buraxılıb. Ballut azadlıqda qalıb və 26 iyulda həbs cəhdi zamanı öldürülüb.
Musavat.com
