“Türkiyə prezidenti ənənəvi olaraq ilk xarici səfərini Şimali Kipr Türk Cümhuriyyəti və Azərbaycana edir”.
Musavat.com “Report”a istinadən xəbər verir ki, bunu Türkiyə Prezident Administrasiyasının sözçüsü İbrahim Kalın bildirib.
Onun sözlərinə görə, iyunun 1-də Moldovanın paytaxtı Kişineuda da bir tədbir var: “Prezident Rəcəb Tayyib Ərdoğanın həmin toplantıya qatılıb-qatılmayacağı hələ ki, məlum deyil”.
İbrahim Kalın deyib ki, Kişineuda keçiriləcək görüşə Avropa İttifaqına üzv ölkələr və daha 20 dövlət dəvət edilib: “Orada liderlərlə bir görüş də ola bilər".
