Velikiy Novqorodda 4 hindistanlı tələbə çimərkən ölüb.
Musavat.com xəbər verir ki, hadisə Volxov çayı üzərindəki piyada körpüsünün ərazisində baş verib. Hindistandan olan dörd gənc Volxov çayında üzmək qərarına gəlsələr də, axına tab gətirə bilməyiblər.
Hadisə şahidləri köməyə tələssələr də, hamını xilas edə bilməyiblər. Bir qız və üç oğlan suda boğularaq ölüb.
İki nəfər xilas ola bilib. Rayon prokurorluğu araşdırma aparır.
