İlin əvvəlindən Ermənistana Rusiya, Ukrayna, Belarus və digər ölkələrdən 300 mindən çox vətəndaş gəlib.
Musavat.com Ermənistan mediasına istinadən xəbər verir ki, bu barədə erməni iqtisadçı Tatul Manaseryan noyabrın 29-da jurnalistlərlə görüşündə bildirib.
Onun sözlərinə görə, bu, Ermənistanın ümumi əhalisinin 10%-ni təşkil edir. T.Manaseryanın fikrincə, bu qədər adamın gəlməsi ikirəqəmli artıma təsir göstərəcək və vergi gəlirlərini çoxaldacaq.
“Biz belə şəraitdə belə kasıblığı azalda bilirikmi? İlin sonuna kimi yoxsulluğun səviyyəsi 42%-ə çatacaq. Bu, dəhşətlidir. İnsanlar çılpaq yerdə yatırlar. Ermənistanda hər ikinci insan kasıbdır”, - deyə, Manaseryan vurğulayıb.
Onun bildirdiyinə əsasən, yoxsulluq səviyyəsinə görə antirekord Şirak bölgəsinə məxsusdur, orada bu göstərici 60%-i ötüb.
Musavat.com