Türkiyə prezidenti Rəcəb Tayyib Ərdoğan İlham Əliyev, Nikol Paşinyan və Vladimir Putinlə dördtərəfli görüş keçirməyi təklif edib.
Musavat.com bu barədə xarici mediaya istinadən xəbər verir.
“Bu təklifi götür-qoy eləmək üçün mən qardaşım İlham Əliyevlə danışacağam. Bəli, bizim prioritetlərimiz əvvəllər nəzərdə tutulduğu kimi üçtərəfli formatda danışıqlar aparmaqdır. Amma biz dördtərəfli formatda görüşməyi də təklif etdik. Bu təklif təqdim olunub. Yəni mən, Putin, İlham Əliyev və Paşinyan. Dedim, gəlin görüşək, atılması lazım olan addımları birlikdə müzakirə edək. Hazırda bu təklifə nə mənfi, nə də müsbət cavab almışıq”, – Ərdoğan Nyu-Yorka, BMT tədbirinə yola düşməzdən əvvəl İstanbulda keçirdiyi mətbuat konfransında televiziya kanallarıma bildirib.
Musavat.com
