Türkiyənin məşhur müğənnisi Edis Bakıda konsert verib.
OLAY yazır ki, azərbaycanlı pərəstişkarlarının qarşısına çıxan sənətçi birinci ifasından sonra hər kəsi salamlayıb.
“Özümü azərbaycanlı kimi hiss edirəm. Kristal Hallda konsert verən ilk türk sənətçiyəm. Sağ əlim onların başına. Ümid edirəm ki, digər türk sənətçiləri də bu səhnəyə çıxarlar. Qoy, bu anın havasını “atım” “ - deyə, Edis tamaşaçılara deyib.
İfaçı hitlərini, eləcə də “Mayhoş” adlı yeni mahnısını da səsləndirib. Bununla yanaşı, Edis özünəməxsus rəqs və səhnə performansı ilə şou göstərib.
Qeyd edək ki, bu, sənətçinin Azərbaycandakı sayca 3-cü konsertidir.
