Burkino-Fasonun şimalında silahlıların hücumu olub.
"Report"un məlumatına görə, bu barədə "Reuters" ölkə prezidenti Roko Kaboreyə istinadən məlumat yayıb.
Məlumata görə, hadisə Sum əyalətinin Arbinda şəhərində qeydə alınıb. Silahlılarla atışma zamanı azı 35 dinc sakin həlak olub.
Qeyd edilir ki, ordu və polis silahlılara cavab atəşi açaraq onların hücumunu dəf edib. Atışma zamanı təhlükəsizlik qüvvələrinin 7 əməkdaşı həlak olub. Onlardan 4-ü hərbi qulluqçu, 3-ü polis əməkdaşlarıdır. Hücum zamanı həmçinin 80 silahlı məhv edilib.
