İnsanlara hürriyət, millətlərə istiqlal!

BMT Təhlükəsizlik Şurasının Qarabağla bağlı fövqəladə iclası - VİDEO

5768 16.08.2023 23:15 Son xəbər A A

Hazırda BMT Təhlükəsizlik Şurasının "Laçın yolu"ilə bağlı Ermənistanın müraciəti əsasında fövqəladə iclası keçirilib. 

Musavat.com xəbər verir ki, BMT TŞ-nın fövqaladə iclasına Azərbaycan da müraciət edib. Hazırda Azərbaycanın da müraciətinə baxılıb. 

Musavat.com xəbər verir ki, Fransa "Laçın dəhlizi" (Laçın yolu) boyunca əlaqəni dərhal bərpa etməyə çağırır. "Biz Azərbaycandan beynəlxalq öhdəliklərinə əməl etməyi və bütün irqi ayrı-seçkilik tədbirlərini aradan qaldırmağı və Beynəlxalq Ədalət Məhkəməsinin müvəqqəti tədbirlərinə əməl etməyi tələb edirik" - Fransanın BMT Təhlükəsizlik Şurasının nümayəndəsi. 

"Beynəlxalq təşkilatlar üçün humanitar səfərlər maneəsiz olmalıdır", - bu fikir isə Yaponiyanın BMT-dəki nümayəndəsinın çıxışında səsləndirilib. 

İclasda söz alan Albaniyanın nümayəndəsi öz çıxışında Azərbaycanı müdafiə etdi: “Albaniya Ermənistanla Azərbaycan arasında münasibətlərin normallaşmasına yönəlmiş prosesi alqışlayır. Xüsusilə, 1991-ci il Almatı bəyannamə əsasında tərəflərin bir-birinin ərazi bütövlüyünü tanımağa hazır olmalarını”.

BMT Təhlükəsizlik Şurasının iclasının qısa stenoqramı.

Qabon: "Humanitar yardımlar Qarabağa mümkün qədər tez çatdırılmalıdır".

BMT Təhlükəsizlik Şurasındakı Braziliya nümayəndəsi: "9 noyabr sənədi sülhün qurulması üçün yol xəritəsidir. Braziliya Ağdam-Xankəndi yolundan istifadə məsələsini nəzərdən keçirməyə çağırır”.

Fransa Laçın "dəhlizi"nin dərhal açılmasını tələb edir. Fransanın BMT-dəki daimi nümayəndəsi: "Paris "Laçın dəhlizi" boyunca sərbəst hərəkəti təmin etməyə çağırır. Biz güc tətbiqinə qarşıyıq. 8 aydan artıqdır ki, Azərbaycan "Dağlıq Qarabağ"ı Ermənistanla birləşdirən dəhlizi tamamilə bağlayıb. Bu karantin heç bir qanuni səbəb olmadan "Dağlıq Qarabağ" əhalisini dünyadan təcrid edib".

BMT Təhlükəsizlik Şurasında Yaponiya tərəfləri beynəlxalq hüquqa riayət etməyə çağırmaqla kifayətləndi.

Qananın BMT-dəki daimi nümayəndəsi: “Tərəflər 10 noyabr 2020-ci il müqaviləsinin tam icrasına qayıtmalıdırlar”.

Albaniya BMT Təhlükəsizlik Şurasında Bakı və İrəvanın danışıqlara sadiqliyini alqışlayır və Zəngəzur dəhlizi istiqamətində dəmir yolunun tikintisinin vacibliyini qeyd edib. Albaniya nümayəndəsi deyir ki, Laçın dəhlizi dağlara, çətin yoldan gedir. Ağdam yolu daha rahatdır.

Çin BMT Təhlükəsizlik Şurasında tərəflərin Laçın dəhlizi ilə bağlı mübahisəni diplomatiya yolu ilə həll etməyə çağırıb. Çin Bakı və İrəvanı “bir-birinə doğru hərəkət etməyə” çağırır. Bununla da daimi nümayəndə qısa nitqini yekunlaşdırıb.

Supergüc olan Malta Bakını Qarabağın "blokadasına son qoymağa" çağırır.

İsveçrə də proseslərin diplomatik yolla həll edilməsinin vacibliyini vurğulayıb, Qarabağda yaşayan insanların fundamental hüquqlarının təmin edilməsinin vacibliyini vurğulayıb. “Vəziyyət qəbuledilməzdir, həyati vacib dəhliz dərhal açılmalıdır. Azərbaycan Laçın dəhlizi ilə insanların, malların və nəqliyyatın maneəsiz hərəkətini təmin etməlidir”, - diplomat bildirib.

Ekvador nümayəndəsi 10 noyabr sazişinin şərtlərinə əməl etmək barədə fikir bildirib.

BƏƏ hər iki tərəfi danışıqlar ilə məsələni həll etməyə çağırıb. 

Böyük BritaniyaÇin "Laçın dəhlizinin" (Laçın yolunun) "blokadasından" narahatdırlar, dəhliz boyu sərbəst hərəkəti bərpa etməyə çağırırlar. 

Rusiya Federasiyasının BMT-dəki daimi nümayəndəsinin birinci müavini Dmitri Polyanski Ağdam-Xankəndi yolundan istifadə məsələsinə baxmağa çağırıb. BMT Təhlükəsizlik Şurasında Laçın dəhlizinin “bloklanması” ilə bağlı narahatlığını ifadə edib. Rusiya İrəvana tövsiyə edib ki, Bakı ilə problemləri həll etsin, BMT Təhlükəsizlik Şurasının platformasına məsələ çıxarmasın. 

Ermənistan XİN rəhbəri Ararat Mirzoyan BMT TŞ-da: “Laçın dəhlizi İrəvan və Xankəndi arasında bir bağdır və bunun alternativi yoxdur”. 

Azərbaycanın BMT-dəki daimi nümayəndəsi Yaşar Əliyev: “Ermənistanın humanitar məsələ kimi təqdim etməyə çalışdığı şey, əslində, Azərbaycanın suverenliyinə və ərazi bütövlüyünə zərbə vurmaq məqsədilə aparılan təxribatçı və məsuliyyətsiz siyasi kampaniyadır.

30 ilə yaxındır ki, məhz Ermənistan 1993-cü ilin müvafiq dörd qətnaməsinə və Təhlükəsizlik Şurası sədrinin işğalçı qüvvələrin Azərbaycan ərazisindən tam, dərhal və qeyd-şərtsiz çıxarılmasını tələb edən bir sıra bəyanatlarına məhəl qoymayıb.

Bu kontekstdə Ermənistanın hərəkətləri əvvəlcədən planlaşdırılmış siyasi ikiüzlülüyün təcəssümündən başqa bir şey deyil". 

Yaşar Əliyev: "Qarabağ bölgəsi Azərbaycanın beynəlxalq səviyyədə tanınmış ərazisidir və orada yaşayan etnik ermənilər Azərbaycanın sakinləri hesab olunur.

Azərbaycan hökuməti bu sakinlərin zəruri mallara çıxışını təmin etmək, onlar üçün müvafiq yaşayış şəraiti yaratmaq əzmindədir. Bu məqsədlər beynəlxalq hüquqa və beynəlxalq humanitar hüququn prinsiplərinə tam uyğundur ki, bu da Azərbaycanın sözügedən standartlara riayət etməkdə sarsılmaz sadiqliyini nümayiş etdirir”. 

Yaşar Əliyev: "Əgər Ermənistan həqiqətən də rayonun sadə sakinlərini düşünsəydi, o zaman Ağdam-Xankəndi yolu ilə Qarabağ bölgəsinə yüklərin çatdırılmasına heç vaxt etiraz etməzdi. Bu yol Azərbaycanın əsas nəqliyyat marşrutlarından biri olan “İpək Yolu” və ya M2 kimi tanınan və beynəlxalq bazarlara etibarlı əlaqələri təmin edən magistral yolu ilə birləşir. Dağ serpantinləri ilə uzanan 59 km-lik Laçın-Xankəndi yolu ilə müqayisədə bu yolun Ağdamla Xankəndi arasında uzunluğu cəmi 18 km-dir. Bu gün Ağdama səfəri çərçivəsində Azərbaycanda akkreditə olunmuş diplomatik korpusun, o cümlədən BMT-nin rezident əlaqələndiricisinin ofisi və BMT-nin digər strukturlarının nümayəndələri yolun işləməsi və yüklərin daşınmasına hazırlığının şahidi olublar"

Türkiyə nümayəndəsi: "Türkiyə Ermənistanın BMT Təhlükəsizlik Şurasından Bakıya qarşı əsassız ittihamlar irəli sürmək cəhdindən narahatdır. Türkiyə Azərbaycanın öz suveren ərazisində istədiyini etmək hüququna malik olduğunu bəyan edir, separatçıların Bakı ilə danışıqlar aparmadığını bildirir".

Musavat.com iclasın videosunu təqdim edir: https://media.un.org/ru/asset/k14/k1498sf9lh

 

Zəruri qeyd: Fotoda oxla işarə edilən hissəyə tıklamaqla, yayıma  istədiyiniz dildə baxa bilərsiniz.

 22ec1798-6960-45ff-942b-a3401b0f5d1f (1).jpg (69 KB)

Bizim partnyorlarımız

XƏBƏR LENTİ

BÜTÜN XƏBƏRLƏR