İnsanlara hürriyət, millətlərə istiqlal!

Bakı Yeni ilə belə hazırlaşır - REPORTAJ - FOTOLAR

3583 22.12.2019 16:38 Gündəm A A

2020-ci ilin gəlişinə sayılı günlər qalıb. Bu münasibətlə paytaxt Bakının mərkəzi küçələrində yolka qurulub, yarmarkalar təşkil edilib.

 

Musavat.com-un əməkdaşı paytaxtın mərkəzi küçələrində gəzib, bu və ya digər "Yeni il" hazırlıqları ilə maraqlanıb.

 

DSCN8094.JPG (598 KB)

Müşahidə etdik ki, şəhərdə paytaxt sakinləri ilə bərabər turistlər də çoxluq təşkil edir. Ərəblərlə bərabər Rusiya və Avropadan gələnlərin də çoxluq təşkil etdiyini gördük.

DSCN8089.JPG (606 KB)

DSCN8096.JPG (482 KB)

Ötən illərdə olduğu kimi bu il də "Qız Qalası" ətrafında işıqlarla bəzədilmiş keçid quraşdırılıb. Gündüz bir o qədər də gözə çarpmayan bu keçid gecə gözoxşayan mənzərəyə səbəb olur. Bulvarla İçərişəhəri birləşdirən keçid sanki bir növ zaman tunelini xatırladır. Bulvar tərəfdən gələn insanlar bu işıqlı tunellə tarixi İçərişəhərə daxil olurlar. Gecə saatlarında tunel müxtəlif sarmaşan işıqlarla bəzədilir. Tunelin yaxınlığında isə yolka qurulub.

DSCN8079.JPG (569 KB)

DSCN8087.JPG (653 KB)

Hər il olduğu kimi Fəvvarələr meydanında “Soyuq əllər, isti ürək” yarmarkası təşkil olunub ki, bura da yerli sakinlərin və turistlərin marağındadır.

DSCN8102.JPG (438 KB)

 DSCN8098.JPG (524 KB)

DSCN8101.JPG (526 KB)

Bakı sakinləri ilə də söhbət edib, görülən işlərlə bağlı onların da fikirlərini aldıq. Sakinlər bildirdilər ki, şəhərin mərkəzində bu cür şəraitin yaradılması onlara müsbət təsir edir:

“Həftə sonu olduğu üçün ailəmizlə birlikdə şəhərdə gəzib, yaradılan şəraitdən zövq alırıq", - deyə Bakı sakinləri bildirdilər.

DSCN8110.JPG (497 KB)

Yeni illə bağlı metronun “İçərişəhər” stansiyasında da yolka quraşdırılıb. Əldə etdiyimiz məlumata görə, bayram günlərində bu stansiyanın girişində canlı musiqi ifaçılarının təşkili planlaşdırılır.

Eyni zamanda Azneft meydanında da 3 ədəd müxtəlif ölçülərdə yolka qurulub. Bundan əlavə şəhərin Bulvar ərazisində də "2020" yazılan işıqlı bəzəklər, evciklər, yolka ağacı və uşaqların əylənməsi üçün müxtəlif dekorativ bəzək əşyaları quraşdırılıb.

DSCN8073.JPG (529 KB)

DSCN8076.JPG (612 KB)

Artıq Neftçilər prospekti boyunca və bulvar ərazisindəki bütün şam ağacları və dirəklər çilçıraqlarla bəzədilib. Eyni zamanda müşahidə etdik ki, Bulvar boyunca müxtəlif rəngarəng kompozisiyalar qurulur. Bayram günlərində bulvara giriş istiqamətlərində paytaxt sakinləri və qonaqlar təmtəraqlı bəzəklərlə qarşılaşacaqlar ki, həmin bəzəklərin də artıq tamamlanma işləri görülür. Kukla teatrının yanındakı yeraltı keçidin önündə, bulvar ərazisi istiqamətində işıqlarla bəzədilən, uzunluğu 67 m olan tunel quraşdırılıb. Bulvar ərazisində iki yolka quraşdırılıb. Bunlardan biri köhnə bulvar ərazisində “Dinamo” deyilən yerdə (hündürlüyü təxminən 12 metr), digəri Ağ Şəhər bulvarındadır (təxminən 18 metr)”.


Əli Rais,
Musavat.com
Fotolar müəllifindir

Bizim partnyorlarımız

XƏBƏR LENTİ

BÜTÜN XƏBƏRLƏR