“Paşinyan mətbuat konfransında azərbaycanlı hərbi əsirlərin nəyə görə müvafiq mübadilə edilmədən Bakıya qaytarılması sualına “fantastik” bir cavab verib”.
Musavat.com xəbər verir ki, bu barədə erməni politoloq Suren Surenyants Paşinyanın mətbuat konfransında dediklərini şərh edərkən yazıb.
“Paşinyan deyir ki, azərbaycanlı azıb, onun əməlində heç bir qəsd olmayıb və buna görə də müvafiq qaydada dəyişdirilmədən geri qaytarılıb. Azərbaycan əsgərinin həqiqətən də azması ilə bağlı versiyaya şübhə qondurmurlar. Lakin o, dəyişdirilməyib, sadəcə olaraq vətənə qaytarılıbsa, dolayısı ilə Bakı həbsxanalarında saxlanılan ermənilərin əslində cinayət işlədiyi qəbul edilir”, - deyə Surenyants qeyd edib.
Musavat.com
