İrəvandakı qiyamçı vətənpərvərlərə tezliklə “yeni Njde” başçılıq edəcək. Azvision.az xəbər verir ki, bunu erməni əsilli rusiyalı jurnalist Aram Qabrelyanov “Facebook” səhifəsində yazıb.
O hesab edir ki, Ermənistanın paytaxt İrəvanda daha iki-üç mitinq keçirilsə, qiyamçı vətənpərvərlərə “yeni Njde” başçılıq edəcək:
“Svil müxalifətin vəziyyəti dinc yolla idarə etməsi üçün o qədər də çox vaxt qalmayıb. Ermənistan hakimiyyətində türklərə qarşı yeni əksinqilabçılar arasında artıq “yeni Njde” yetişməkdədir. O gələndə bütün satqınların işi şuluq olacaq. O gələndə Vətənin bütün vətənpərvər övladları xoşbəxt olacaq”, - deyə Qabrelyanov bildirib.
Qeyd edək ki, II dünya müharibəsi illərində Hitler Almaniyası ilə əməkdaşlıq etmiş erməni əsilli faşist Qaregin Njde Ermənistanda faşizmin "qəhrəmanlıq" simvolu hesab olunur.
