Almaniyanın xarici işlər naziri Annalena Berbok bəyan edib ki, Rusiyanın "kölgə donanması"na daxil olan köhnəlmiş tanker gəmiləri Avropanın təhlükəsizliyini təhdid edir.
Musavat.com xəbər verir ki, o, Almaniya sahillərində idarəsiz şəkildə sürüklənən və 99 min ton neft daşıyan "Eventin" tankerini bu təhlükənin nümunəsi kimi göstərib.
Berbok Rusiyanın prezidenti Vladimir Putini ittiham edərək bildirib ki, o, paslı tanker donanmasını "siyasi alət" kimi istifadə edir. Bu yolla, Moskvanın sanksiyalardan yan keçməyə çalışdığını vurğulayan Berbok həmçinin Baltikyanı bölgədə turizmin təhlükə altında olduğunu əlavə edib.
Berbokun sözlərinə görə, köhnəlmiş və texniki baxımdan yararsız olan bu gəmilər təkcə ekoloji fəlakət riskini artırmır, həm də Avropa enerji təhlükəsizliyinə ciddi təhdid yaradır.
