Azərbaycanın Xalq artisti, Zeynəb Xanlarova gözlənilməz vəziyyətlə qarşılaşıb. Belə ki, onun adından sosial şəbəkələrdə saxta profillər açılıb və insanları aldadaraq guya konsert biletləri satılır.
Musavat.com bildirir ki, bu barədə xəbər birbaşa sənətçinin rəsmi instaqram səhifəsində paylaşılıb.
Açıqlamada qeyd olunur:
“Zeynəb Xanlarovanın adından sosial şəbəkələrdə saxta profillər yaradılıb və guya konsert proqramı keçiriləcək deyə, bilet satışı ilə dolandırıcılıq etməyə çalışırlar.
Xahiş edirik, bu cür mesajlara və bilet satışlarına inanmayın! Rəsmi konsert xəbərləri yalnız sənətçinin etibarlı və rəsmi kanalları vasitəsilə paylaşılır. Aldanmayın, diqqətli olun!”
Xalidə Gəray
Musavat.com
