Bakıda keçirilən təntənəli mərasimdə iş adamı, strateji kommunikasiyalar və İctimaiyyətlə Əlaqələr sahəsində tanınmış mütəxəssis Əli Hacızadə “PR sahəsində Transformativ Töhfə” (Transformative Contributions to PR Industry) nominasiyasında Millionaire Concept mükafatına layiq görülüb. Bu mükafat əsasən fəaliyyət göstərdiyi sahələrə köklü töhfələr vermiş və yeni həllər gətirən mütəxəssislərə və iş adamlarına təqdim olunur. Fairmont Baku otelində dekabrın 1 baş tutan mərasim Afrikadan, ABŞ dan, Avropadan, Yaxın Şərqdən və postsovet məkanından gəlmiş qonaqları və sahibkarları bir araya gətirib.
Millionaire Concept azərbaycanlı sahibkar Aqil Mamiyev tərəfindən təsis edilmiş üzvlük əsasında fəaliyyət göstərən qapalı klub və biznes platformadır. O, regionun eksklüziv klublarından biri hesab olunur və beynəlxalq brendlər və lüks markalarla əməkdaşlıq çərçivəsində yüksək səviyyəli biznes tədbirlərinin keçirilməsi ilə tanınır. Layihənin mükafatları öz sahələrini transformasiya edə bilən və ya onlara əhəmiyyətli innovasiyalar gətirən şəxslərdir. Hər nominasiyada namizədlər milli və öz sahələrində artıq formalaşmış peşəkarların içindən seçilir və yalnız az sayda insan finala çıxaraq laureat olur.
Açılış nitqində Millionaire Concept in təsisçisi və prezidenti Aqil Mamiyev bildirib ki, mükafatları populyarlıq yarışı deyil: “Hər il mükafatlandırma mərasimi üçün hər bir ölkə və hər bir sahə üzrə əsas fiqurların geniş siyahısından başlayan sərt, çoxmərhələli seçim prosesinə start veririk. Müstəqil araşdırma, etibarlılığın yoxlanılmasından və beynəlxalq tərəfdaşlarla aparılan məsləhətləşmələrdən sonra final mərhələsinə yalnız bir neçə nəfər çatır. Bizim üçün təkcə şəxsi uğur qazanan insanlar deyil, həqiqətən öz sahələrini irəli aparan insanlar maraqlıdır”.
Millionaire Concept platformasında rəqabətin səviyyəsini digər son laureatlar da aydın şəkildə göstərir. Onlar arasında Bulldozer Group un qurucusu və Direktorlar Şurasının sədri Aleksandr Orlov da var. Orlov qlobal qonaqpərvərlik sektorunda 20 ildən artıq fəaliyyət göstərir və son 13 ildə Bulldozer i premium restoran və otel sahəsinin liderlərindən birinə çevirib. Digər bir nümunə isə 500 ildən artıq tarixə malik Darfur İslam Sultanlığının 30 cu sultanı Zati aliləri Əli Əhməd Dinardır. İrsi titulundan əlavə, o, Sudanın əsas milli fiqurlarından biridir. Türkiyə və Keniyada fəaliyyət göstərən Dinar Holding Group un təsisçisi və Direktorlar Şurasının sədridir. Baqt əl Rida Universitetinin və Sultan Ali Dinar İslam Kompleksinin mütəvəlli heyətlərinə rəhbərlik edir. Həmçinin Sultan Ali Dinar Muzeyinin və ona bağlı fondların kuratoru qismində fəaliyyət göstərir.
Maliyyə sahəsində isə İsveçrə və İtaliya mənşəli bankir, iSwiss Bank ın baş icraçı direktoru Kristofer Alleo nu qeyd etmək olar. O, beynəlxalq bankçılığın və transsərhəd pul köçürmələrinin modernləşdirilməsinə verdiyi töhfəyə görə Bakıda keçirilən Millionaire Concept Award 2025 mükafatına layiq görülüb, sürətlə inkişaf edən rəqəmsal maliyyə xidmətləri şəbəkəsi yaradıb və maliyyə dünyasında innovasiyalarına görə Forbes tərəfindən tanınıb. “PR Sahəsinə Transformativ Töhfə” nominasiyasında mükafatın Əli Hacızadəyə təqdim edilməsi onun həm praktiki mütəxəssis, həm də müasir PR və kommunikasiya sahəsinin nəzəriyyəçisi kimi ikili rolunu bir daha nümayiş etdirir.
1984 cü ildə Bakıda anadan olmuş Hacızadə bu gün ABŞ ın paytaxtı Vaşinqtonda fəaliyyət göstərir və 2012 ci ildə Azərbaycanda yaratdığı Hajizade Group un təsisçisi və rəhbəridir. Bu şirkət müstəqil bazar tədqiqatlarının nəticələrinə əsasən 2023 cü ilin yekunlarına görə Azərbaycanın aparıcı PR agentliyi kimi tanınıb. ABŞ da o, həmçinin Şimalı Amerika, Yaxın Şərq, Mərkəzi Asiya və Cənubi Qafqazdan olan müştərilər üçün mürəkkəb kommunikasiya həlləri və böhran kommunikasiyaları, reputasiya menecmenti üzrə ixtisaslaşan Sawol Communications şirkətinə rəhbərlik edir.
Əli Hacızadə Amerika İctimaiyyətlə Əlaqələr Cəmiyyətinin (PRSA) üzvü, E Commerce və Digital Marketing Assosiasiyasının ın (ECDMA) ali üzvü, eləcə də London mərkəzli İctimaiyyətlə Əlaqələr və Kommunikasiya Assosiasiyasının (PRCA) üzvüdür. Hacızadə bundan əlavə Azərbaycan Respublikası Prezidentinin Fəxri Diplomu daxil olmaqla, bir çox başqa mükafatlarla təltif olunub.
Praktiki, biznes yönümlü fəaliyyətindən əlavə, Əli Hacızadə mütəmadi olaraq nəzəriyyəçi qismində çıxış edir, ABŞ-da ixtisaslaşmış və akademik nəşrlərdə məqalələr dərc etdirir, həmçinin mühazirələr oxuyur, seminar və təlimlər keçirir. O, böhran kommunikasiyaları sahəsində unikal metodikanın müəllifi kimi tanınır.
Ramil Eynullayev
Musavat.com
