Bir küsülü, bir barışıq olan müğənnilər Şəbnəm Tovuzlu və Vəfa Şərifova arasında növbəti gərginlik yaşanıb.
Milli.Az xəbər verir ki, Rəngarəng verilişinə müsahibə verən Vəfa Şərifova: "Mən borcluyam kiminsə ad gününə gəlim? Gəlmirəm deyə mən söyülməliyəm? Mən o, saxtakarlığı edə bilmərəm. O müğənni ilə mənim söz-söhbətimi bütün ölkə bilir. O deyilən sözlərdən, yaşanan hadisələrdən sonra, necə onu təbrik edə bilərəm? Mən onu təbrik etməsəm guya nə dəyişəcək ki?" deyə açıqlama verib.
Qeyd edək ki, Şəbnəm Tovuzlu onun ad günü dəvətnaməsini qəbul etmədiyinə görə, dəvətnaməni parçalara bölmüşdü.
Xatırladaq ki, bir müddət əvvəl Şəbnəm Tovuzlu Vəfanın uzun illərdir onun hesabına reklam olunduğunu dilə gətirmişdi.
