Türkiyədə inanılmaz hadisə baş verib və kişi həyat yoldaşından şikayət ərizəsi yazmağa getdiyi polis bölməsində mübahisə etdikdən sonra polis əməkdaşını güllələyib.
Musavat.com-un xəbərinə görə, hadisə zamanı məlum olub ki, vətəndaşların linç etmək istədikləri şəxs də polis imiş.
Psixoloji problemləri olduğu iddia edilən polis əməkdaşının məzuniyyətdə olduğu və Trabzondan Artvinin Borçka mahalına gəldiyi bildirilib.
Hadisə ötən gün Türkiyənin Artvin şəhərində baş verib. Həyat yoldaşından şikayət ərizəsi yazmaq üçün getdiyi polis bölməsində bir şəxs mübahisə zəminində polis əməkdaşı A.R.Y-ni güllələyib. Ətrafdakıların hücumuna məruz qalan cinayətkarın da polis olduğu üzə çıxıb. Yaralı polis xəstəxanada müalicə olunarkən, təcavüzkar yaxalanaraq nəzarətə götürülüb.
Musavat.com
