Rusiya və Türkiyə noyabrın 24-25-də ticarət-iqtisadi əməkdaşlıq üzrə hökumətlərarası komissiyanın (İKK) iclasını keçirməyi planlaşdırır.
Musavat.com xəbər verir ki, Rusiya Baş nazirinin müavini Aleksandr Novakın ofisindən TASS-a verilən məlumata görə, görüş Türkiyədə baş tutacaq.
Komissiyanın bundan əvvəlki iclası ötən ilin mayında Ankarada keçirilib. Sonra tərəflər sənaye mallarının tədarükünün, həmçinin milli valyutalarda qarşılıqlı hesablaşmaların artırılması və qarşılıqlı ticarətdə maneələrin azaldılması məsələlərini müzakirə ediblər.
Daha sonra Rusiya-Türkiyə hökumətlərarası komissiyasının həmsədrləri, Rusiya baş nazirinin müavini Aleksandr Novak və Türkiyənin ticarət naziri Mehmet Muş digər məsələlərlə yanaşı, ölkələr arasında nəqliyyat-logistika sektoru, sənaye və kənd təsərrüfatı, turizm sahələrində əməkdaşlığı müzakirə ediblər.
Ölkələr arasında ikitərəfli əməkdaşlıqda enerji sektoru xüsusi yer tutur. Rusiya qazını Türkiyəyə və oradan Avropaya daşıyan “Türk axını” və “Mavi axın” qaz kəmərləri fəaliyyət göstərir, Rusiya Türkiyənin ilk Atom Elektrik Stansiyasının – Akkuyunun tikintisini həyata keçirir.
Musavat.com
