Almaniyada keçirilən futbol üzrə Avropa çempionatının qrup mərhələsində daha bir oyunu baş tutub.
F qrupunun II turunda Türkiyə millisi Portuqaliya ilə üz-üzə gəlib.
Qarşılaşma "ay-ulduzlular"ın məğlubiyyəti ilə bitib - 0:3.
Qolları 21-ci dəqiqədə Bernardu Silva, 29-cu dəqiqədə Samet Akaydın (öz qapısına), 56-cı dəqiqədə Brunu Fernandeş vurub.
Türkiyə ilk matçda Gürcüstana (3:1), Portuqaliya isə Çexiyaya (2:1) qalib gəlmişdi.
Portuqaliya yığması xallarının sayını altıya çatdırıb və 1/8 finala vəsiqəni təmin edib. Türkiyə millisi üç xalla ikinci pillədə qərarlaşıb. Gürcüstan və Çexiyanın hərəyə bir xalı var. (Report)
***
3:0. Bruno Fernandeş 56-cı dəqiqədə fərqlənir.
***
Almaniyada keçirilən futbol üzrə Avropa çempionatının F qrupunda II turun Türkiyə - Portuqaliya matçında ikinci hissə başlayıb.
***
Almaniyada keçirilən futbol üzrə Avropa çempionatının F qrupunda II turun Türkiyə - Portuqaliya matçında ilk hissə başa çatıb.
"Ay-ulduzlular" hazırda məğlub durumdadır - 0:2.
21-ci dəqiqədə Bernardu Silva hesabı açıb. 29-cu dəqiqədə Samet Akaydın avtoqol müəllifi olub. (Report)
***
Samet Akaydın 29-cu dəqiqədə avtoqol müəllifi oldu: 0-2.
***
Portuqaliya hesabı açdı. 22-ci dəqiqədə Bernardo Silva fərqləndi. Hesab: 1-0
***
Futbol üzrə 2024-cü il Avropa çempionatının F qrupunda Türkiyə və Portuqaliya milliləri arasında görüşün start fiti səsləndirilib.
Qarşılaşmanı almaniyalı hakimlər briqadası idarə edir.
Qeyd edək ki, ilk oyunda Türkiyə Gürcüstanı 3:1, Portuqaliya isə Çexiyanı 2:1 hesabı ilə məğlub edib.
***
Türkiyə millisi AÇ-2024-ün qrup mərhələsində növbəti oyununa çıxacaq.
“Ay-ulduzlular” ikinci tur çərçivəsində Portuqaliya ilə qarşılaşacaq.
Matç saat 20:00-da başlayacaq.
AÇ-2024
İkinci tur
20:00. Türkiyə - Portuqaliya
***
Millilərin heyətləri müəyyənləşib.
Türkiyə: Altay Bayındır, Zeki Çelik, Samet Akaydın, Abdülkerim Bardakcı, Ferdi Kadıoğlu, Kaan Ayhan, Orkun Kökçü, Kerem Aktürkoğlu, Hakan Çalhanoğlu, Yunus Akgün, Barış Alper Yılmaz
Ehtiyat oyunçular: Uğurcan Çakır, Merih Demiral, Okay Yokuşlu, Arda Güler, Cenk Tosun, Yusuf Yazıcı, Ahmetcan Kaplan, Salih Özcan, İsmail Yüksek, Mert Müldür, Kenan Yıldız, Semih Kılıçsoy, Bertuğ Yıldırım
Portuqaliya: Dioqo Koşta, Kanselu, Ruben Diaş, Pepe, Nuno Mendeş, Palinya, Vitinya, Brunu Fernandeş, Bernardo Silva, Leau, Ronaldo
Ehtiyat oyunçular: Rui Patrisiu, Joze Sa, Nelson Semedo, Dalot, Qonçalo Ramos, Joao Feliks, Danilu, Qonçalo İnasio, Joao Neves, Mateus Nunes, Ruben Neves, Dioqo Jota, Antonio Silva, Pedro Neto, Fransisko Konseysau (Publika.az)