Kanadanın istefa vermiş baş naziri Castin Trüdo zarafatla ABŞ-ın yeni seçilmiş prezidenti Donald Trampın ərazi genişlənməsinin zəruriliyi ilə bağlı bəyanatları fonunda ölkəni Amerika ştatlarından birinə dəyişməyi təklif edib.
Musavat.com xəbər verir ki, bu barədə NBC News məlumat yayıb.
Trüdo deyib ki, bu mövzu Trampın Mar-a-Laqo iqamətgahına səfəri zamanı bir anda gündəmə gəlib. “Mən təklif etdim ki, yaxşı, Kanadanın bəzi hissələrini Vermont və ya Kaliforniya ilə mübadilə edə bilərik”, - deyə siyasətçi bildirib.
Trüdo zarafatla Kaliforniya və ya Vermontu tələb edəndə Trampın əhvalı qəfil dəyişib və kanadalı həmkarının yumorunu dəyərləndirməyib.
Daha əvvəl “Politico” jurnalı Kanadanın ABŞ-ın tərkibində yeni bir ştat kimi qoşulacağı təqdirdə mümkün daxili siyasi nəticələri modelləşdirmişdi. Xüsusilə, qoşulacağı təqdirdə Şimali Amerika ölkəsi Nümayəndələr Palatasına yeni 45 yer və Senata iki yer, həmçinin prezident seçkilərində Seçicilər Kollegiyasının 47 səsi verəcək. Belə bir ssenari Respublikaçılar Partiyasının mövqeyini çətinləşdirə bilər, çünki Kanada əhalisinin əksəriyyəti liberal fikirlərə sadiqdir.
Musavat.com
