ABŞ prezidenti Donald Tramp Rusiya–Ukrayna müharibəsi ilə bağlı yeni açıqlamalar verib.
Musavat.com xəbər verir ki, Tramp Ukrayna böhranının nizamlanmasının onun xarici siyasət gündəliyində “çox yüksək” yerdə dayandığını bildirib.
Prezident vurğulayıb ki, Rusiya ilə Ukrayna arasında davam edən münaqişəni dayandıra biləcəyinə inanır: “Mən düşünürəm ki, bu münaqişəni dayandıra bilərəm. İnanıram ki, bu baş verəcək”.
Tramp həmçinin qeyd edib ki, Rusiya prezidenti Vladimir Putinlə Ukrayna prezidenti Volodimir Zelenski arasında “böyük nifrət” mövcuddur.
“Bəzən birini günahlandırıram, bəzən digərini”, – deyə ABŞ prezidenti Donald Tramp əlavə edib.
Onun sözləri Vaşinqtonun gələcək diplomatik addımları ilə bağlı yeni müzakirələrə yol açıb.
Musavat.com
