Uxta şəhər məhkəməsi təyyarədə sərxoş olub özünü terrorçu adlandıran rusiyalını mühakimə edib.
Musavat.com xarici mediaya istinadla xəbər edir ki, bu barədə məhkəmənin rəsmi saytında məlumat verilib.
Hadisənin 2023-cü ilin noyabrında Uxta-Moskva reysində baş verdiyi bildirilir. Uçuşdan əvvəl hazırlıq zamanı stüardessa gecikməmək üçün hər kəsin öz yerinə oturmasını xahiş edərkən, buna cavab olaraq 50 yaşlı Komi sakini deyib ki, gecikmə onun terrorçu olması ilə bağlı olacaq. Daha sonra sərxoş olan kişi kresloda əyləşərək yuxuya gedib.
Məhkəmənin saytındakı nəşrdə həmçinin bildirilir ki, sərnişinin bu ifadəni söyləməsindən sonra təyyarənin kapitanı təyyarədə olan polisi çağırıb və o, sərnişini təyyarədən endirib. Onun üzərində heç bir partlayıcı tapılmayıb. Bununla belə, bu hərəkətinə görə adam 100 min rubl cərimə olunub.
Musavat.com
