Tacikistan Avropa İttifaqının ölkə ərazisində və Mərkəzi Asiya regionunda həyata keçirilən enerji layihələrini fəal şəkildə dəstəkləyəcəyini gözləyir. Bunu Tacikistanın xarici işlər naziri Sirociddin Muxriddin “Avrasiyada əməkdaşlığın yeni dinamikası” Antalya diplomatik forumunda çıxışı zamanı deyib.
Nazir qeyd edib ki, Aİ və ABŞ-ın dəstəyi ilə respublikanın Dağlıq Bədəxşan Muxtar Vilayətind su elektrik stansiyası tikilir ki, bu da təkcə bu regionu enerji ilə təmin etməyəcək, həm də onu qonşu Əfqanıstana tədarük etmək potensialı var: "Bu günə kimi biz ölkənin mövcud su elektrik potensialının cəmi 5 faizini işləmişik. Bizim gözəl layihələrimiz var. Bunlardan biri də dünyanın ən böyük su elektrik stansiyalarından biri olan Roğun SES-dir. Bu layihələrə təbii ki, bütün tərəfdaşlarımızı dəvət etdik. Təbii ki, Avropa Birliyi də onlardan biridir”.
Bundan əlavə, Muxriddin Avropa İttifaqının “Mərkəzi Asiyada davamlı enerji əlaqələri” layihəsini qeyd edib: "Ümid edirik ki, proqram regionda dayanıqlı enerji sisteminə keçid üçün normativ və institusional bazanı gücləndirəcək".
XİN rəhbərinin sözlərinə görə, Tacikistan Mərkəzi Asiyadan Cənubi Asiyaya elektrik enerjisinin ötürülməsi üçün xətlərin tikintisini nəzərdə tutan CASA-1000 layihəsində Avropa Yenidənqurma və İnkişaf Bankının fəal iştirakına ümid edir: “Biz bu layihənin tərəfdaşlarımızın, xüsusən də Avropa Yenidənqurma və İnkişaf Bankının və digər tərəfdaşların dəstəyi ilə uğurla həyata keçiriləcəyini gözləyirik”.
Musavat.com
