Bakıda parkinqdən çıxarkən iki sürücü arasında yaranan mübahisə sonradan dava ilə nəticələnib.
Hadisə Bakı Dəniz Vağzalının qarşısında baş verib.
BAKU.WS-in redaksiyasına müraciət edən Baxşəliyev Bəşir 4 nəfər tərəfindən döyüldüyünü bildirib.
Onun sözlərinə görə, arxadan gələn "Mercedes" markalı avtomobilə yol versə də sürücüsü onu təqib edib. Sonda avtomobili qarşıda saxlayarkən sürücü ilə yanaşı 3 nəfər B. Baxşəliyevə hücum çəkib.
İnsidentdən sonra hadisə yerinə polis əməkdaşları və təcili tibbi yardım gəlib.
Məsələ ilə bağlı Daxili İşlər Nazirliyinin mətbuat xidmətindən BAKU.WS-ə bildirilib ki, ərazi üzrə polis orqanında araşdırma aparılır. Əlavə məlumat veriləcək.
