“Ukrayna Britaniyanın ona verdiyi silahlarla Rusiya ərazisindəki hədəfləri vura bilər”. Bunu Böyük Britaniyanın Baş naziri Boris Conson “Talk TV”yə müsahibəsində deyib.
“Ukraynanın özünü müdafiə etmək hüququ var. Biz böhranın Ukraynanın sərhədlərindən kənara çıxmasını istəmirik. Lakin dediyim kimi, ukraynalılar özlərini müdafiə edə bilərlər”, – o bildirib.
Daha əvvəl Böyük Britaniyanın silahlı qüvvələr naziri Ceyms Hippi də bildirmişdi ki, Ukraynanın Rusiyaya hücumu legitimdir.
Yeri gəlmişkən, Bryansk şəhəri yaxınlığında yerləşən yanacaq anbarına zərbənin ardınca dünən gecə Belqorod şəhəri və Voronej vilayətləri ərazisindəki silah anbarlarına zərbə endirilib. Belqorod vilayətinin Köhnə Nelidovka kəndindəkı sursat anbarında partlayış haqda qubernator Vyaçeslav Qladkov teleqram kanalında məlumat verib.
Artıq bu mərhələdə gəlməkdə olan silah sistemləri (155 mm-lik M-777, M-109, AS-90, “Caesar”, “Panzerhaubitze” artilleriya qurğuları Ukraynanın bu sahədə Rusiyadan üstünlüyünü təmin edəcək.
NATO mərmiləri dəqiqliyinə və dağıdıcı gücünə görə rusiyalı analoqlarından üstündür. Hələ peykdən idarə olunan “Excalibur” mərmiləri var ki, bunlar hazırda dünyanın ən dəqiq artilleriya mərmiləri sayılır. Əgər sabah Moskvaya qədər uçub-qayıtmaq qabiliyyətində olan MQ-9 “Reaper” kəşfiyyat-zərbə dronları verilsə, nə olacaq?
TVMusavat-ın canlı yayınında hərbi analitik Ramil Məmmədli ilə Ukrayna müharibəsində tərəflərin taktiki-operativ gedişlərini müzakirə edirik. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Youtube səhifəsinin ünvanı:
https://www.youtube.com/user/TVmusavat
Musavat.com
