Avqustun 3-də Suraxanı rayonu Əmircan qəsəbə Şəhidlər xiyabanında Məmmədov Adilxan Əlmurad oğlunun mövlud tədbiri keçirilib.
Musavat.com xəbər verir ki, tədbirdə Suraxanı Rayon İcra Hakimiyyətinin başçısı Adil Əliyev, RİHB-nin məsul əməkdaşları, şəhid ailələri və ictimaiyyət nümayəndələri iştirak ediblər.
İcra Hakimiyyətinin başçısı Adil Əliyev çıxışında qəhrəmanımızın ailə üzvlərinə səbr diləyib, şəhidlərimizin əziz xatirəsini hörmət və ehtiramla yad edib.
Tarixi torpaqlarımızın düşmən işğalından azad olunmasını, ərazi bütövlüyümüzün bərpa, suverenliyimizin bərqərar olunmasını bildirən İcra başçısı qəhrəmanlarımızın əziz xatirəsininin xalqımızın qəlbində əbədi yaşayacağını bildirib.
Şəhidlərimizin ruhlarına dualar oxunub, daha sonra tədbir şəhid ailələrinin çıxışları ilə davam edib.
