Ermənistan Silahlı Qüvvələrinin Laçın sərhəd-keçid məntəqəsi yaxınlığındakı körpüdə Azərbaycan sərhədçilərini və Rusiya sülhməramlılarını atəşə tutduğu hadisənin tam videosu yayılıb.
Axar.az xəbər verir ki, hadisə 15 iyunda baş vermişdi. Belə ki, 15 İyun - Qurtuluş Günündə Laçın postu önündə Azərbaycan bayrağını qaldırmaq istəyən sərhədçilərimiz atəşə tutulmuşdu və nəticədə bir sərhədçimiz yaralanmışdı.
Bunun ardınca əraziyə rus sülhməramlılar gəlmiş, Azərbaycan sərhədçiləri növbəti dəfə bayrağımızı qaldırmış, bu zaman isə sərhədçilərimizlə bərabər, rus sülhməramlılar da atəşə tutulmuşdu.
Azərbaycan Ordusu cavab tədbirləri ilə sərhədçilərimizi atəşə tutan və sonradan asılan bayrağımızı dirəkdən vurub-salan erməni snayperləri məhv etmişdi.
