Yay aylarında dənizdə istirahət edərkən dərini günəş şüasının zərərli təsirirndən qorumaq üçün günəş kremi istifadə edirik.
BAKU.WS xarici KİV-ə istinadən xəbər verir ki, mütəxəssislər yazdan qışa qədər dörd mövsüm ərzində günəş kremi istifadə etməyi məsləhət görürlər. Lakin günəş kremi seçərkən son dərəcə diqqətli olmalısınız.
Çünki bazarda satılan saxta günəş kremləri dəri üçün böyük risk yarada bilər. Bəs günəş kreminin saxta olduğunu necə müəyyənləşdirək?
Bunu bilmək üçün aşağıdakı qaydalara əməl etmək lazımdır:
Etibarlı mağazalardan və etibarlı markalardan alış-veriş edin. Bilinməyən və ya şübhəli mənbələrdən alınan məhsullarda saxtalaşdırma riski daha yüksəkdir.
Orijinal günəş kremlərinin qabları ümumiyyətlə keyfiyyətli materialdan hazırlanır və düzgün şəkildə möhürlənir. Paketdəki yazılış səhvləri, solğun rənglər və ya qeyri-müəyyən yazılar saxta məhsul işarəsi ola bilər.
Orijinal məhsullarda məhsul kodları və son istifadə tarixləri adətən aydın və oxunaqlı şəkildə göstərilir. Saxta məhsullarda bu məlumatlar belə qeyd edilmir və ya səhv olur.
Orijinal günəş kremlərinin xüsusi bir qoxusu olur. Məhsulun gözlənilməyən bir qoxusu və ya forması varsa, bu, saxta ola biləcəyini göstərə bilər. Bazar qiymətləri ilə müqayisədə həddindən artıq ucuz məhsullardan ehtiyatlı olun. Anormal dərəcədə aşağı qiymətlər saxta məhsul riskini artırır.
Saxta olmayan günəş kremlərinin orijinallığı müəyyən sağlamlıq təşkilatları tərəfindən sertifikatlarla təsdiqlənir. Bu sənədləri məhsulun qablaşdırılmasında və ya satış nöqtəsində axtarın.
Saxta günəş kremi insan sağlamlığına zərər verə biləcək maddələr və ya təsirsiz komponentlər ehtiva edə bilər. Buna görə də günəş kremi seçərkən diqqətli olmaq və etibarlı mənbələrdən satın almaq vacibdir.
