Rusiya qoşunları Sudja şəhərinə hücuma başlayıb.
Musavat.com Rusiya mənbələrinə istinadən xəbər verir ki, Sudja — Ukrayna Silahlı Qüvvələrinin nəzarəti altında olan ən böyük yaşayış məntəqəsidir.
Hücum cənub-şərq istiqamətindən aparılır. Bu istiqamətdə Rusiyanın uğuru təmin olunsa, Ukrayna qüvvələrinin yerləşdiyi şimal qolu kəsilə bilər. Həmçinin Sudja — Lqov magistralı tam nəzarət altına alınaraq, Ukrayna Silahlı Qüvvələrinin təchizatı dayandırıla bilər.
Ukrayna Silahlı Qüvvələrinin Ali Baş Komandanı Aleksandr Sırski Sumıda müşavirə keçirib. Ukrayna Telegram kanalı “Legitimniy”in məlumatına görə, o, Kursk vilayətinə əlavə qüvvələr göndərəcəyini vəd edib.
Son dörd gün ərzində Kursk vilayətində yeni əks-hücum cəhdi edən Ukrayna Silahlı Qüvvələri regionda nəzarət etdiyi ərazilərin 12%-ni itirib.
Afaq,
Musavat.com
